Sterk 3000m av Håvard under Nornalekene

(25.01.2015) Håvard Haukenes gjekk ein sterk 3000m kappgang under Nornalekene. Tida 11:46.05 gav ein andreplass bak Erik Tysse, men Håvard er no nr. 3 på den norske alle-tiders statistikken, ein flott debut i Gulardrakta. Elles vil vi trekke fram 16-åringen Live Haugstad Hilton frå Bergens Turn som vann både 60m, 60 m hekk, 200m og lengde i sin klasse (8.01/9.34/26.33/5.22). I same klasse hoppa klubbvenninna Julie Woie Flølo 1.50 i høgde og 4.95 i lengde, og i kvinner senior vann Lena Indrebø 800m på 2.19.29, under sekundet bak klubbrekorden innandørs.

Løyperekord av Marius Vedvik i Askløpet

Marius Vedvik tok ein klar siger i Askløpet 17. januar og forbetra samtidig Øyvind Fretheim sin 16 år gamle løyperekord med 4 sekundar. Med 12.47 i den 4.5 km lange løypa var han minuttet føre klubbkamerat Per Svela, som gjorde ein fin debut i Gulardrakt. Anders Staude vart nr. 4 på 14.18 og Odd Anders Grimsbø nr. 5 på 14.23. I dameklassen vart det ein klar siger til Eli Anne Dvergsdal på 15.40, etter det vi har kunne finne ut er det berre løyperekordhaldar Stine Larsen (14.23) som har løpt fortare. Ingrid Festø vart nr. 2 med 16.50 og Lena Indrebø nr. 3 med 17.04.